როგორ სწავლობენ ზრდასრულები სინამდვილეში - 5 მითი და რეალობა

თუ ტრენერი, HR მენეჯერი ან კომპანიის მენეჯმენტის წევრი ხარ, ამ რეალობების ცოდნა დაგეხმარება, რომ ტრენინგები იყოს არა მხოლოდ საინფორმაციო, არამედ შედეგზე ორიენტირებული.

მითი #1 - ზრდასრულებს ყოველთვის აქვთ მოტივაცია სწავლისთვის

რეალობა: მოტივაცია ავტომატურად არ ჩნდება. ზრდასრულები სწავლას იწყებენ მაშინ, როცა ხედავენ მის პირდაპირ კავშირს საკუთარ საჭიროებებთან.

მაგალითი: თუ თანამშრომელს ასწავლი ახალ CRM სისტემას, ის დაინტერესდება მაშინ, როცა მიხვდება, რომ ეს შეუმსუბუქებს სამუშაოს და გააუმჯობესებს შედეგს.

რჩევა: ყოველთვის აჩვენე „რატომ“ და „რისთვის“ სანამ „როგორ“-ზე გადახვალ.

მითი #2 - სწავლების ერთი ფორმატი ყველასთვის მუშაობს

რეალობა: ზოგი უკეთ სწავლობს ვიზუალურად, ზოგი პრაქტიკით, ზოგი კი დისკუსიით.

მაგალითი: პრეზენტაცია + ჯგუფური სავარჯიშო + მოკლე ვიდეო ინსტრუქცია ერთად ბევრად ეფექტურია, ვიდრე მხოლოდ ლექცია.

რჩევა: აუდიტორიის წინასწარი ანალიზი და მასალის ადაპტაცია ზრდის ჩართულობას და შედეგს.

მითი #3 - ინფორმაციის მიწოდება საკმარისია

რეალობა: მიღებული ინფორმაცია მაშინ გარდაიქმნება ცოდნად, როცა ადამიანი მას პრაქტიკაში იყენებს.

მაგალითი: გაყიდვების ტრენინგზე მონაწილეებმა რეალურ სიტუაციაში შეასრულეს „role-play“ სავარჯიშო - შედეგად, ახალი ტექნიკები მყისვე დაიმახსოვრეს.

რჩევა: ტრენინგში ჩართე სიმულაციები, პრაქტიკული დავალებები და რეალური ქეისების განხილვა.

მითი #4 - ზრდასრულები არ ცდებიან

რეალობა: შეცდომები არის სწავლის ბუნებრივი ნაწილი.

მაგალითი: პროექტის დაგეგმვის ვორქშოპზე მონაწილემ არასწორად შეაფასა რესურსები, მაგრამ ამის შედეგად  უკეთ გაიაზრა დაგეგმვის პროცესი

რჩევა: შექმენი უსაფრთხო სასწავლო გარემო, სადაც შეცდომა აღიქმება, როგორც განვითარების საშუალება და არა დასჯის საფუძველი.

მითი #5 - მხოლოდ ტრენერი ქმნის შედეგს

რეალობა: ტრენერი არის პროცესის გამართულობის გარანტი, მაგრამ მთავარი პასუხისმგებლობა მაინც მონაწილეზეა.

მაგალითი: კურსის შემდეგ დავალებების მიცემა აძლევს ადამიანს შესაძლებლობას ცოდნა დამოუკიდებლად გააღრმავოს.

რჩევა: წაახალისე თვითსწავლა და პირადი მიზნების დასახვა ტრენინგის დაწყებამდე.

ზრდასრულთა სწავლება არ არის უბრალოდ ინფორმაციის მიწოდება - ეს არის გამოცდილებაზე დაფუძნებული, საჭიროებებზე მორგებული და მონაწილეზე ორიენტირებული პროცესი.

L&D სკოლა გთავაზობთ არა მხოლოდ ტრენინგებს, არამედ სწავლების ახალ გამოცდილებას, რომელიც აერთიანებს ტექნოლოგიას, ემოციურ ინტელექტს და გლობალურ ხედვას. სასწავლო სისტემებთან დაკავშირებული კონსულტაციის მისაღებად ან კორპრატიული ტრენინგების დასაგეგმად მოგვწერეთ - contact@ldschool.ge