ეფექტური უკუკავშირის გაცემისა და მიღების წესები

უკუკავშირი სამუშაო გარემოში პიროვნული და პროფესიული ზრდის საფუძველია. მისი სწორად მიწოდება და მიღება ხელს უწყობს თანამშრომლობის გაუმჯობესებასა და ნდობის გაღრმავებას. GULLUP-ის კვლევის მიხედვით, 80% იმ ადამიანებისა, ვინც ხშირად იღებს სწორ უკუკავშირს, საუკეთესოდ ასრულებს თავის სამუშაოს.

რეკომენდაციები უკუკავშირის გაცემის დროს

1. იყავით კონკრეტული და კონსტრუქციული: მიუთითეთ კონკრეტული ქცევები ან სიტუაციები და შესთავაზეთ გამოსავლის გზები.

2. ფოკუსირდით ქცევაზე, არა პიროვნებაზე: განიხილეთ კონკრეტული მოქმედებები, არათანამშრომლის ხასიათი.

3. შეარჩიეთ შესაფერისი დრო და ადგილი: უკუკავშირი მიაწოდეთ პირად გარემოში, რათა თანამშრომელმა თავი კომფორტულად იგრძნოს.

4. მოითხოვეთ თანხმობა: დარწმუნდით, რომ თანამშრომელი მზად არის უკუკავშირის მისაღებად.

უკუკავშირის გაცემისას:

1. არ გააკრიტიკოთ პიროვნება: თავიდან აიცილეთ პიროვნული შეფასებები; კონცენტრირდითქცევაზე.

2. არ იყოთ გაურკვეველი: ზოგადი კომენტარები არაეფექტურია; იყავით კონკრეტული.

3. არ გადატვირთოთ კრიტიკით: მოერიდეთ ერთდროულად ბევრი კრიტიკული შენიშვნის მიცემას.

4. არ გამოიყენოთ აგრესიული ტონი: თავიდან აიცილეთ გამაღიზიანებელი ან დამამცირებელი გამონათქვამები.

5. არ გამოიტანოთ წინასწარ დასკვნები: ნუ დაასკვნით, რატომ მოიქცა ადამიანი ასე; სთხოვეთ განმარტება.

რეკომენდაციები უკუკავშირის მიღების დროს

1. იყავით ღია და მზად: მიიღეთ უკუკავშირი როგორც განვითარების შესაძლებლობა.

2. დასვით კითხვები: დაზუსტეთ დეტალები უკეთ გასაგებად.

3. გაანალიზეთ და შეაფასეთ: დაფიქრდით მიღებულ უკუკავშირზე და განსაზღვრეთ განვითარების გზები.

4. გამოხატეთ მადლიერება: დააფასეთ უკუკავშირის მიმწოდებლის ძალისხმევა.

5. დასახეთ განვითარების მიზნები: გამოიყენეთ უკუკავშირი კონკრეტული და მისაღწევი მიზნების დასასახავად.

უკუკავშირის მიღებისას:

1. არ გახდეთ თავდაცვითი: მიიღეთ უკუკავშირი მშვიდად და ღიად.

2. არ შეაწყვეტინოთ: მოისმინეთ უკუკავშირი სრულად, სანამ უპასუხებთ.

3. არ მიიღოთ პირადულად: განსხვავეთ ქცევის კრიტიკა პიროვნული შეფასებისგან.

4. არ უგულებელყოთ: მიაქციეთ ყურადღება უკუკავშირს და გამოიყენეთ იგი განვითარებისთვის.

5. არ გადაჭარბოთ რეაქციაში: შეინარჩუნეთ სიმშვიდე და საჭიროების შემთხვევაში ითხოვეთდრო ფიქრისთვის.

ეფექტური უკუკავშირი ხელს უწყობს სამუშაო გარემოში ნდობის, თანამშრომლობისა დაპროფესიული ზრდის კულტურის ჩამოყალიბებას.

საჭიროების შემთხვევაში L&D სკოლა ჩაატარებს უკუკავშირის ტრენინგს თქვენი გუნდისთვის

Crestcom,Gullup